Portalet shqip në Zvicër kanë dhënë detaje nga ngjarja shokuese e 21 marsit në qytetin e Bazelit, ku një banore 75-vjeçare masakroi me thikë një fëmijë 7 vjeçar kosovar.
Ndër të tjera gazetat zvicerane kanë publikuar një video të imamit Ardian Elezi, i cili thotë se gruaja 75 vjeçare nuk është e sëmurë mendore siç është paraqitur nga mediat dhe autoritetet.
Ajo që ka ndodhur, për Elezin, është një akt i pastër terrorist.
“Nëse ajo do të ishte e sëmurë mendore, do të kishte qenë në një repart psikiatrik. Pse ishte ajo jashtë, dhe jo në një institucion, nëse ishte e rrezikshme për të tjerët, për shoqërinë?” – pyet imami shqiptar i Bazelit dhe shton: “Në të vërtetë ajo është një terroriste, një kriminele”.
“Terrori nuk ka fe, terrori nuk ka kombësi, terrori nuk ka ngjyrë lëkure”, tha Elezi gjatë një ceremonie përkujtimore për vogëlushin e masakruar shqiptar, ku është regjistruar dhe videoja
Deklarata e tij ka ngjallur shumë diskutime.
I pyetur nga Basler Zeitung, imami thotë se u qëndron fjalëve të tij dhe se mban çdo përgjegjësi ligjore për këto deklarime.
https://www.facebook.com/ArdianElezi03/videos/2427113247321077/
