Presidenti hungarez, me propozimin për një “zonë tampon”
Vendet e NATO-s nuk kërcënohen nga sulmi i Rusisë, por do të ishte më mirë nëse mes tyre do të ketë një zonë tampon në Ukrainë, tha kryeministri hungarez Viktor Orban në një bisedë me ish-kancelarin austriak Wolfgang Schuessel.
Nuk ka rrezik për një sulm rus ndaj një vendi anëtar të NATO-s, pretendon Orban.
Duke folur për Ukrainën, ai gjithashtu vuri në dukje se Moska nuk do të pajtohet kurrë me pranimin e këtij vendi në NATO, pasi kjo e afron Aleancën me kufijtë e Rusisë.
Kryeministri hungarez propozoi të shikohej harta politike dhe tha se do të ishte ideale që Ukraina, si një fqinj i afërt i Rusisë, të krijonte një zonë tampon me garanci sigurie, sepse nëse kjo nuk ndodh, ukrainasit mund ta humbin plotësisht vendin e tyre.
Schuessel nuk u pajtua, duke argumentuar se Perëndimi duhet të fillojë menjëherë negociatat me Ukrainën për pranimin e saj, jo vetëm në Bashkimin Evropian, por edhe në NATO. /tesheshi.com/
