“Ndalimi i burkës” që qeveria nuk e donte, por që u votua me referendum
Ndalimi në Zvicër i mbulimi të fytyrës në vende publike, i njohur si “ndalimi i burkës” hyri në fuqi të mërkurën, më 1 janar 2025.
Kushdo që e shkel këtë ndalim përballet me një gjobë deri në 1,000 franga zvicerane.
Pse Zvicra ndaloi mbulimin e fytyrës?
Në vitin 2021, zviceranët mezi votuan për të ndaluar mbulimin e fytyrës në publik, duke përfshirë burkën dhe nikabin e veshur nga gratë muslimane. Rezultatet treguan se masa kaloi me 51.2% në 48.8% në referendum. Njerëzit në Zvicër kanë një fjalë të drejtpërdrejtë në punët e tyre brenda sistemit demokratik të vendit. Atyre u kërkohet rregullisht të votojnë në referendume për çështje të ndryshme kombëtare ose rajonale.
Propozimi për të ndaluar mbulimin e fytyrës u soll nga Partia Popullore Zvicerane (SVP) e krahut të djathtë dhe u zhvillua me slogane të tilla si “Stop ekstremizmit”. Megjithëse plani nuk përmendte drejtpërdrejt Islamin dhe gjithashtu bëri thirrje për ndalimin e maskave për protestuesit e dhunshëm në rrugë, ai u pa gjerësisht si një “ndalim i burkës”. Qeveria zvicerane, megjithatë, e kundërshtoi këtë, duke argumentuar se nuk i takon shtetit të diktojë se çfarë veshin gratë, sipas një raporti të BBC.
Sipas një studimi të Universitetit të Lucernit, pothuajse askush në Zvicër nuk vesh burka dhe vetëm rreth 30 gra mbajnë nikab. Rreth 5% e popullsisë prej 8.6 milionë banorësh të Zvicrës janë myslimanë, shumica e tyre me origjinë nga Turqia, Kosova, Maqedonia dhe Bosnja.
Ndalimi u kritikua nga komuniteti mysliman dhe organizatat e të drejtave të njeriut si Amnesty International. Në një deklaratë, Amnesty International e quajti ndalimin “një politikë të rrezikshme që shkel të drejtat e grave, duke përfshirë lirinë e shprehjes dhe fesë”.
Çfarë saktësisht është e ndaluar?
Masa përfshin ndalimin e mbulimit të hundës, gojës dhe syve në vende publike dhe ndërtesa private të aksesueshme për publikun. Megjithatë, ka disa përjashtime. Ndalimi nuk vlen për aeroplanët ose në ambientet diplomatike dhe konsullore, ku gjithashtu fytyrat mund të mbulohen edhe në vendet e kultit dhe në vendet e tjera të shenjta.
Sipas njoftimit, mbulimi i fytyrës do të mbetet i lejuar për arsye që lidhen me shëndetin dhe sigurinë, për shkak të zakoneve lokale ose për shkak të kushteve atmosferike. /tesheshi.com/
