Hoxhë Bekir Halimi me pak fjalë por shumë mençurë i reagon Blerim Latifit i clili njihet me deklaratat e tij kundër islamit, muslimanëve e veçanërisht ndaj hoxhallarëve.
Hoxhë Bekir Halimi shkruan: Kemi kur i gëzojmë fëmijët tanë me dhurata, në dy Bajramet tona. Nuk na duhet me shpik trillime si puna e babadimrit për me u sjell fëmijëve dhurata! Ne i mësojmë fëmijët se pas mundit, angazhimit e sakrificave, vijnë dhuratat dhe kjo është edukata dhe Kultura që na mësojnë Bajramet tona.
Lexojeni më posht shkrimin me aq mllef të Blerim Latifit, i cili është profesor univerizitar!
Blerim Latifi e quan “taleban shqipfolës” Shefqet Krasniqin
•••
Pas deklaratës së hoxhës, Shefqet Krasniqi në lidhje me festen e viti të ri, ka reaguar profesori universitar, Blerim Latifi.
Latifi ka shkruar se është bërë rregull që sa herë vijnë festat e fundvitit vahabistat dhe klerikët e tyre nuk i zë vendi vend pa folur qysh Kosova duhet ta pres vitin e ri siç e presin në Afganistan.
Postimi i plotë:
Tanimë është bërë rregull që sa herë vijnë festat e fundvitit vahabistat dhe klerikët e tyre nuk i zë vendi vend pa folur qysh Kosova duhet ta pres vitin e ri siç e presin në Afganistan: në terr, në heshtje, pa qytete e sheshe të ndriquara, pa lojëra e dhurata për fëmijët, pa darka festive familjare e miqësore.
Pra, kërkojnë që, duke vepruar si në Afganistan, të bëhemi gazi i botës, këtu kemi pasur fatin të jemi prej shekujsh, në Europë.
Të bëhemi gazi i botës dhe t’i japim edhe një argument kulturor Serbisë, e cila nuk lë rast e mundësi për ta paraqitur Kosovën si një vend me prirje antimoderne e antieuropiane; një vend ku në vend të dhuratave e mësimeve për ta gëzuar jetën, fëmijëve u mësohet se çfarë i pret në natën e parë të vorrit dhe flakët e xhehnemit nëse nuk jetojnë sipas direktivave të talebanizmit.
Prandaj, shqiptarë, kudo ku jeni, mos i dëgjoni talebanët shqipfolës, trajtoni ata ashtu siç e meritojnë, si primitivë, por edhe si e budallenj të rrezikshëm, si sherrbudallë, siç do t’i quante populli.
Dhe, natyrisht, mos harroni: festoni e gëzoni familjet e fëmijët tuaj! Në veçanti fëmijët.
Gëzuar!
