Ekekutimi brutal e 17-vjeçarit musliman para fëmijëve 6-vjeçarë
Një gjykatë e Amsterdamit dënoi të premten një person me burgim të përjetshëm dhe një të dytë me gati 30 vjet burg për vrasjen e një adoleshenti në një rast që tronditi Holandën.
Në janar 2018, Mohamed Bousihi, 17 vjeç, po jepte mësime gatimi për 6-vjeçarët në një qendër komunitare në Amsterdam, kur persona të armatosur të maskuar hynë brenda dhe hapën zjarr ndaj tij me armë automatike përpara fëmijëve të tmerruar.
Autorët, Emilio G. 30-vjeçari dhe Randall D., 41 vjeç, shkuan në qendër me qëllimin për të vrarë një person tjetër me të cilin sipas një dëshmitari kishin debatuar në të njëjtën zonë disa ditë më parë. Por ata gabuan dhe vranë 17-vjeçarin Bushihi, duke vazhduar ta qëllojnë pas shpine edhe pse “ai ishte shtrirë me fytyrë përtokë, i pambrojtur”, sipas vendimit.
Emilo G. u dënua me burgim të përjetshëm dhe Randall D. u dënua me 29 vjet e gjashtë muaj.
Dy të dyshuarit u gjetën fajtorë kryesisht falë ADN-së së gjetur në një arkivol pranë makinës së arratisjes, të cilën më pas e dogjën. Autoritetet arritën të përgjonin edhe bisedat e tyre telefonike.
Më shumë se 1000 njerëz u mblodhën në një xhami të Amsterdamit për funeralin e adoleshentit, i cili ishte i njohur për punën e tij vullnetare. Bouchihi u varros në Marok, prej nga vinte familja e tij.
Vrasja e të riut shkaktoi shqetësim në Holandë për rritjen e krimit të organizuar në vend.
Në të njëjtin vit, vëllai i një dëshmitari kyç në gjyqin e bosit të dyshuar të drogës Riduan Taghi u vra. Në vitin 2019 u vra edhe avokati i dëshmitarit, ndërsa në vitin 2021 tronditi vrasja e gazetarit të njohur, i specializuar në çështjet penale, Peter R. de Vries, në qendër të Amsterdamit. /tesheshi.com/
