Dy haxhinj pakistanezë përfaqësojnë një shembull të vërtetë të miqësisë së sinqertë. Dalzi Ahmed dhe Ahmed Dalo Raxh, të dytë rreth të ’80-ve, kanë vendosur ta kryejnë Haxhin së bashku.
Disa dekada më parë, ata premtuan se do të mbledhin të hollat dhe do ta kryejnë Haxhin bashkarisht. Ajo që e bën udhëtimin e tyre edhe më interesant, është fakti se Ahmed Dalo Raxh është i verbër, pasi ai ka humbur të pamurit disa vite më parë.
Kur më në fund arritën në Mekë, dy miqtë i treguan botës se miqësia e tyre është aq e fortë, sa që edhe në këtë moshë ata mund të mbështeten në njëri-tjetrin, ngase Raxh, i cili është plotësisht i verbër, varet plotësisht nga miku i tij Ahmad për orientim.
Dy miqtë e ngushtë nga Pakistani, kanë pritur 25 vjet që të shkojnë së bashku në Haxh. Ahmedi nuk dëshironte ta kryente ritin dhe këmbënguli gjatë gjithë kohës që miku i tij Raxhi t’i bashkohej atij, por ai nuk kishte para të mjaftueshme për të mbuluar shpenzimet e udhëtimit.
“Gjithmonë kam pasur para të mjaftueshme sa për të mbuluar shpenzimet e Haxhit, por jo edhe miku im, Raxhi. Kështu që vendosa ta pres atë për rreth 25 vjet derisa ai mblodhi paratë ve mjaftueshme”, thotë Ahmed.
Ai thotë se ishte i lumtur dhe i gëzuar kur shoku i tij e njoftoi se kishte sasinë e nevojshme të parave për ta realizuar ëndrrën e tyre.
“Shoku im është i verbër. Ne jemi shoqëruar së bashku që nga fëmijëria. Ramë dakord që ta kryejmë Haxhin kur të arrijmë moshën 55-vjeçare, por u deshën rreth 25 vjet për të mbledhur paratë e nevojshme për haxh”, thotë Ahmed.
Raxhi është krejtësisht i varur nga Ahmedi teksa ecë nëpër Mekë dhe vendet e shenjta. “Ahmed është udhërrëfyes imi, i cili më ndihmon kur më duhet të shkoj në çadër, tualet, Xhemrat (vendi për gjuajtjen e guralecëve) dhe vende të tjera”, rrëfen ai.
Raxhi thotë se nuk mund ta falënderojë mjaftueshëm Ahmedin, për gjithë kohën që ai e ka pritur atë, dhe gjithashtu për ndihmën e tij gjatë Haxhit. /tesheshi.com/
