Kryeministri i vendit, Ramush Haradinaj me rastin e Festës së Fitër Bajramit ka vizituar Bashkësinë Islame të Kosovës.
Haradinaj i shoqëruar nga zëvendëskryeministri, Behgjet Pacolli e disa ministra të kabinetit qeveritar, u pritën nga Myftiu Naim Ternava.
I pari i qeverisë uroi Tërnavën dhe të gjithë qytetarët e Kosovës për Fitër Bajramin.
“E gëzofshim si është më së miri këtë festë, të gjithë, në harmoni fetare siç dijmë ne shqiptarët”.
Ndërsa i pyetur nga gazetarët në qoftë se e ka falur Bajramin sot, Haradinaj tha se “Myftiu e ka falë për mua”.
