Ministria e Bujqësisë ka vënë në dispozicion 23 milionë euro për grante në sektorë të ndryshëm të bujqësisë.
Zyrtarë të këtij sektori u kanë bërë thirrje fermerëve që të mos e lënë në ditën e fundit dorëzimin e aplikacioneve.
Para fermerëve janë prezantuar disa masa, brenda të cilave janë grantet në sektorë të shumtë të bujqësisë.
Vlera e investimeve që do të mbështesë kjo ministri sillet nga 5.000 deri në 200 mijë euro, varësisht prej natyrës së investimit.
Thirrjet për aplikim për grante në këto fusha janë shpallur dhe afati i aplikimit është nga data 6 shkurt deri më 20 mars të këtij viti.
