Në platonë e Teatrit Kombëtar të Kosovës janë vendosur për t’u shitur libra të vjetër.
Nga 5 e deri në 15 euro variojnë çmimet e librave që u ekspozuan të premten në edicionin e dytë të panairit të librit të vjetër, të rrallë dhe të përdorur.
Mbi 1 mijë tituj nga letërsia, gjuhësia, historia e fusha tjera do të jenë të ekspozuar për tri ditë radhazi.
E krahas panairit Agjencia e Arkivave të Kosovës dhe ajo e Shqipërisë, kanë hapur ekspozita kushtuar jetës së Ukshin Hotit dhe ngjarjeve të vitit 1981 në Kosovë.
Që të dyja këto aktivitete mund të vizitohen nga ora 7:00 deri në orën 20:00.
