“Nuk do të ketë negociata në lidhje me ndonjë marrëveshje shkëmbimi të të burgosurve nëse nuk ndalet plotësisht agresioni kundër Rripit të Gazës dhe nëse nuk respektohen kushtet e rezistencës”, tha Hamdan
Grupi palestinez Hamas ka përsëritur refuzimin për t’u përfshirë në bisedimet për shkëmbimin e të burgosurve me Izraelin nëse nuk ka një ndërprerje të plotë të agresionit kundër Rripit të Gazës dhe një angazhim ndaj kushteve të vendosura nga fraksionet e rezistencës, transmeton Anadolu.
Deklatata erdhi gjatë një konference për media në kryeqytetin libanez Bejrut nga udhëheqësi i Hamasit, Osama Hamdan.
“Nuk do të ketë negociata në lidhje me ndonjë marrëveshje shkëmbimi të të burgosurve nëse nuk ndalet plotësisht agresioni kundër Rripit të Gazës dhe nëse nuk respektohen kushtet e rezistencës”, tha Hamdan.
Hamdan shprehu gatishmërinë e grupit për “t’u angazhuar në të gjithë përpjekjet që synojnë t’i japin fund agresionit në Gaza dhe Bregun Perëndimor, lirimin e të burgosurve dhe krijimin e një kuadri kombëtar për rimëkëmbjen e të drejtave kombëtare, duke çuar në krijimin e një shteti të pavarur palestinez me kryeqytetin e tij në Kuds”.
