Stamboll
Banka Qendrore e Republikës së Turqisë do të vazhdojë të përdorë mekanizmat e politikës monetare në mënyrë efektive për të arritur një rënie të qëndrueshme të inflacionit, deklaroi guvernatori i ri i institucionit, Şahap Kavcıoğlu, raporton Anadolu Agency (AA).
“Rënien e inflacionit do të nxisim me stabilitetin makroekonomik përmes uljes së primeve të rrezikut të vendit dhe me përmirësim të qëndrueshëm të kostos së financimit e cila do të kontribuojë në zhvillimin e kushteve të nevojshme për të rritur investimet, prodhimin, eksportet dhe punësimin”, tha Kavcıoğlu.
Ish-deputeti Şahap Kavcıoğlu u emërua në krye të Bankës Qendrore të Turqisë pas shkarkimit të Naci Ağbal të shtunën.
Kreu i ri i Bankës Qendrore vuri në dukje se takimet e Komitetit të politikës monetare do të zhvillohen siç ishte planifikuar më parë.
Burimi: aa.com
