Këshilltari ekonomik i Zelensky-it, për sfidën e eksportit të drithit
Ukraina mund të eksportojë 60 milionë tonë drithë në tetë deri në nëntë muaj nëse portet e saj nuk do të bllokoheshin, tha Oleh Ustenko, këshilltar ekonomik i presidentit ukrainas.
Ai tha se sulmi rus në portin e Odessa-s tregoi se definitivisht nuk do të jetë aq e lehtë, transmeton Reuters.
Ata mund të fitojnë 10 miliardë dollarë
Ustenko deklaroi se Ukraina mund të fitojë 10 miliardë dollarë duke eksportuar 20 milionë tonë drithë në kapanone, përveç 40 milionë tonëve nga korrja e këtij viti.
Ai shtoi se Ukrainës do t’i duheshin 20 deri në 24 muaj për të eksportuar ato vëllime nëse portet e saj nuk do të funksiononin siç duhet.
Raketat ruse goditën infrastrukturën e portit ukrainas të Odessa-s, një ditë pasi Rusia dhe Ukraina nënshkruan një marrëveshje për rihapjen e porteve të Detit të Zi për shkak të zhbllokimit të eksporteve të grurit. /tesheshi.com/
