Grupi i fundit i haxhilerëve nga Ferizaj, Kaçaniku, Hani i Elezit, Vushtrria, Kamenica dhe Rajoni i Gorës, arritën në Kosovë.
Ashtu siç është bërë tashmë traditë, në pritje të tyre, kishin dalë familjarë të shumtë, të cilët u uruan mirëseardhje në atdhe dhe haxh e ibadete të pranuara.
Me këtë grup përfundoi edhe kthimi i haxhilerëve nga vendet e shenjta. Sipas udhëheqësve të Haxhit të Bashkësisë Islame të Kosovës, organizimi i haxhit për këtë vit ka shkuar mirë, sipas planit të paraparë.
