Gao (Mali), 27 maj – Dy grupet rebele që pushtuan pjesën veriore të Malit, dy muaj më parë, kanë rënë dakord që të bashkohen dhe ta shndërrojnë territorin e tyre në shtet të pavarur islamik.
Zëdhënësit e tyre kanë thënë se grupi Tuareg MNLA dhe ai Ansar Dine kanë nënshkruar marrëveshjen në qytetin Gao, transmeton REL.
Të dy ata kanë pushtuar veriun e Malit – një zonë e madhësisë së Francës – në fund të muajit mars.
Fillimisht, grupi i parë ka kundërshtuar përpjekjet e Ansar Dines për vendosjen e Ligjit të Sheriatit në zonën e pushtuar.
Mbi 300,000 njerëz thuhet të jenë larguar nga zona që nga pushtimi rebel.koha/kohaislame
