Rreth 60 media dhe organizata të të drejtave të njeriut i kanë kërkuar Bashkimit Evropian të pezullojë një marrëveshje bashkëpunimi me Izraelin dhe të vendosë sanksione, duke e akuzuar atë për “masakrimin e gazetarëve” në Gaza.
Të hënën, Reporterët pa Kufij (RSF) dhe 59 organizata të tjera i kërkuan Bashkimit Evropian që të pezullojë Marrëveshjen e Asocimit me Izraelin në një deklaratë të përbashkët.
Thirrja vjen “në përgjigje të numrit të paprecedentë të gazetarëve të vrarë dhe shkeljeve të tjera të përsëritura të lirisë së shtypit nga autoritetet izraelite që nga fillimi i luftës me Hamasin”, thuhet në njoftim.
Në njoftim po ashtu i kërkohet BE-së “të miratojë sanksione të synuara kundër atyre që janë përgjegjës”.
Kjo vjen përpara një takimi të ministrave të Jashtëm të BE-së në Bruksel më 29 gusht.
Qeveria izraelite “shkel’ traktatin”
Sulmi shkatërrues i Izraelit në Gaza “ka qenë më vdekjeprurës për gazetarët në dekada”, thuhet në letër.
“Më shumë se 130 gazetarë palestinezë dhe profesionistë të medias janë vrarë nga forcat e armatosura izraelite në Gaza që nga 7 tetori”, thuhet në deklaratën e përbashkët të mediave dhe organizatave të të drejtave të njeriut.
“Të paktën 30 prej tyre u vranë gjatë punës së tyre, tre gazetarë libanezë dhe një gazetar izraelit gjithashtu janë (vrarë) gjatë së njëjtës periudhë”, thuhet në deklaratë.
“Vrasja me shënjestër ose pa dallim e gazetarëve, qoftë e kryer me dashje apo pakujdesi, është një krim lufte”, tha ai.
Marrëveshjet e asocimit të BE-së me vendet joanëtare janë marrëveshje që rregullojnë marrëdhëniet dypalëshe, duke përfshirë tregtinë.
Neni 2 i marrëveshjes përcakton “respektimin për të drejtat e njeriut dhe parimet demokratike”, tha Julie Majerczak, kreu i zyrës së RSF-së në Bruksel.
“Qeveria izraelite po e shkel qartë këtë nen. BE-ja, e cila është partneri kryesor tregtar i Izraelit, duhet të nxjerrë përfundimet e nevojshme nga kjo dhe duhet të bëjë gjithçka për të siguruar që qeveria e (kryeministrit Benjamin) Netanyahu të ndalojë masakrimin e gazetarëve dhe të respektojë të drejtën për informacioni dhe liria e shtypit duke hapur qasjen e mediave në Gaza”, tha ajo.
Midis nënshkruesve ishin Komiteti për Mbrojtjen e Gazetarëve (CPJ) dhe Human Rights Watch (HRW).
/trt /
