Sot do të flasim për grabitjen më të madhe që ka njohur historia! Do të flasim për një krim ku agresori pretendon se është babai i lirisë dhe civilizimit, ndërsa viktima vazhdon të rënkojë edhe sot nga pasojat e këtij krimi.
Pas rënies së kështjellës së fundit në Andaluzi Granadas, flotat Spanjolle dhe ato Portugeze filluan të lundronin nëpër detrat dhe oqeanet e botës. E gjithë bota u pushtua nga lindja në perëndim, nga veriu në Jug. Tashmë në histori filluan të figuronin ato që u quajtën kolonitë e reja, si shembulli i dy Amerikave dhe qindra ishujve të tjerë që gjendeshin mes tyre.
Toka pafund që kërkonin të mbilleshin, koloni gjigande që kërkonin të ndërtoheshin dhe pyetja është kjo: Nga do e gjenin forcën punëtore për të ndërtuar? Sytë ishin drejtuar kah kontinenti afrikan, për të ndodhur më pas krimi më i madh që ka njohur njerëzimi. U grabitën miliona njerëz dhe me forcë dhe dhunë u dëbuan nga vendet e tyre për të punuar atje larg si skllevër, për të mbjellë këto toka të gjera dhe për ti ndërtuar këto koloni.
Tregtinë e skellvërve fillimish e nisi Spanja dhe Portugalia, por kjo nuk i pëlqeu Anglisë kështu që u detyrua të depërtonte në gjithë vijën bregdetare me të gjithë forcën dhe pas saj filloi edhe Franca, Hollanda,Belgjika Danimarka duke arritur dhe në kolonitë e reja që ishin zbuluar. Gjatë 300 viteve u grabitën rreth 12 milion njerëz u skllavëruan dhe u morën me forcë nga vendlindjet e tyre, ua ndërruan emrat dhe i transportuan për të ndërtuar botën e re. Shumë prej vendeve perëndimore që sot mburren me të drejtat dhe liritë e njeriut, kjo u erdhi si pasojë dhe rezultat i një historiku të gjatë me skllavërimim. Skenaret e kësaj tallje historike vazhduan për 4 shekuj ku miliona njerëz u transportuan në botën e re dhe në fakt ata janë ndërtuesit e vërtetë të atyre vendeve. Në vitin 1865 ligjet amerikane vendosën ti japing fund skllavërimit, ndërsa në vitin 1906 kombet e bashkuara nxorën verdiktin që ndalon sklavërimin e njerëzve në të gjitha format dhe mënyrat.
