Pse Gjykata Evropiane e Drejtësisë po ndëshkon dy gjigandët e teknologjisë?
Gjykata Evropiane e Drejtësisë (GJED) vendosi të martën se Google ka shkelur ligjet antitrust dhe se Apple duhet t’i paguajë Bashkimit Evropian 13 miliardë euro taksa të prapambetura. Të dyja rastet shihen si një përpjekje e Brukselit për të mbyllur boshllëqet tatimore të shfrytëzuara nga gjigantët e teknologjisë amerikane.
“Irlanda i dha ndihmë të paligjshme Apple, të cilën duhet ta kthejë,” thanë gjyqtarët e GJED, duke iu referuar marrëveshjes tatimore të kompanisë me Dublinin.
Çështja kundër Google daton në vitin 2017, kur BE-ja akuzoi për favorizimin e lidhjeve të veta të Google Shopping në kërkime. Bloku pretendoi se kjo shkelte ligjet e tij antitrust. Google u gjobit me 2.4 miliardë euro, por apeloi në GJED, e cila tani e ka lënë në fuqi gjobën.
“Në dritën e karakteristikave të tregut dhe rrethanave specifike të çështjes, sjellja e Google ishte diskriminuese dhe jo brenda fushës së konkurrencës”, thanë gjyqtarët.
Si përgjigje, Google njoftoi se ata kishin bërë tashmë ndryshime në vitin 2017 për të qenë në përputhje me rregulloret e BE-së. /tesheshi.com/
