Presidenti malazes Milo Gjukanoviç tha se 10 muaj pas ndryshimit të qeverisë, Mali i Zi ka një kapacitet serioz për politika pro-evropiane – si në opozitë ashtu edhe në një shumicë parlamentare, në të cilën dy të tretat e strukturës qeverisëse mban “nacionalizmin serb “dhe interesat gjeopolitike ruse në Ballkanin Perëndimor janë të rëndësishme për ta”
Gjukanoviç e tha këtë në konferencën “Ballkani Perëndimor: Një pjesë kryesore e enigmës evropiane të sigurisë”, organizuar nga GLOBSEC.
“Pas dhjetë muajsh, më duket se koalicioni qeverisës po tregon një tendencë për të përvetësuar vlerat evropiane, të cilat do të garantojnë se Mali i Zi po lëviz dinamikisht në rrugën drejt integrimit evropian.”
“Por më duket gjithashtu se pjesa më e madhe e koalicionit qeverisës, domethënë dy të tretat e asaj strukture në pushtet, i përmbahet nacionalizmit serb dhe interesave gjeopolitikë rusë në Ballkanin Perëndimor janë të rëndësishme për ta,” tha Gjukanoviç.
Ai tha se “strukturat e pushtetit ndryshuan gushtin e kaluar”.
“Eshtë logjike që njerëzit lodhen nga një strukturë e pushtetit për kaq shumë kohë, dhe në dhjetë muajt e fundit një strukturë e re e pushtetit ka qenë në pushtet. Ne i mirëpritëm ata me mosbesim, sepse deri atëherë ishin kundër pavarësisë së Malit të Zi, anëtarësimit në NATO dhe kundër të gjitha reformave “, deklaroi Gjukanoviç. /tesheshi.com/
