Drejtuesit e skuadrës së Galatasarayt janë të gatshëm ta shesin për 6 milionë euro mesfushorin shqiptar Blerim Xhemaili, raportojnë mediumet turke.
Interesimi për shqiptarin, siç njoftojnë mediumet turke, ka ardhur nga skuadra e Fiorentinës që luan në Serie A.
“Një operacion në tregun e transferimeve mund të bëhet sërish ndërmjet skuadrave të Italisë dhe Turqisë. Galatasaray po kërkon 6 milionë euro për shitjen e Xhemailit. Interesimi ka ardhur nga skuadra e Fiorentinës që edhe më parë ishte e interesuar ta blinte sa ishte pjesë e Napolit”, shkruan “e-taraftar.com”, transmeton Koha.net.
Xhemaili 28-vjeçar me skuadrën turke ka kontratë deri në qershor të vitit 2017.
Te Galatasaray u transferua verën e vitit të kaluar nga skuadra e Napolit.
Ai këtë edicion ka zhvilluar dhjetë ndeshje në Superligën e Turqisë, ku ka kontribuar me një asistim.
Një gol të shënuar dhe një asistim ka në Kupën e Turqisë/Koha
