KFOR: Misioni ynë, paqja dhe stabiliteti i pasluftës
Misioni i NATO-s në Kosovë, KFOR, ka bërë të ditur se ushtarët pjesëmarrës në misionin paqeruajtës nga Turqia kanë kryer një patrullim të pavarur në lindje të Kosovës.
Siç thuhet në faqen e KFOR-it në Facebook, ushtarët e KFOR-it për rajonin Lindor nga Republika e Turqisë kanë kryer një patrullim të pavarur në lindje të Kosovës më 10 gusht 2022.
“Gjatë patrullimit, ushtarët e Forcave të Armatosura Turke kryen patrulla në këmbë përgjatë zonës së tyre të veprimit në Kosovën lindore për të ruajtur një mjedis paqësor dhe të sigurt dhe lirinë e lëvizjes për të gjitha komunitetet në Kosovë siç është mandatuar me Rezolutën 1244 të Këshillit të Sigurimit të Kombeve të Bashkuara të vitit 1999,” sipas ndaj KFOR-it.
Shtohet se zbatimi i patrullimit të tillë është kyç për sigurimin e zhvillimit të vazhdueshëm të një Kosove të qëndrueshme dhe paqësore në terren dhe mundëson dialogun e nevojshëm ndërmjet BE-së, NATO-s dhe partnerëve kryesorë në rajon.
Sipas të dhënave nga uebfaqja e KFOR-it, aktualisht në Kosovë janë të pranishëm 3770 ushtarë nga 28 shtete, ndër të cilët 309 janë ushtarë turq. /tesheshi.com/
