Kryeministri i Pakistanit Imran Khan ka paralajmëruar botën se situata në përkeqësim në Jammu dhe Kashmir mund të vendosë dy fuqi bërthamore në prag të luftës
“Një luftë konvencionale midis fuqive bërthamore do të ketë pasoja përtej kufijve kombëtarë. Ky është një paralajmërim, jo një kërcënim”, tha Khan në një fjalim në Asamblenë e Përgjithshme të Kombeve të Bashkuara në New York.
Ai veçanërisht kritikoi atë që e quajti “politikë mizore” të kryeministrit indian Narendra Modi në Kashmir, duke thënë se “Pakistani do të luftojë deri në fund, nëse lihet pa zgjidhje tjetër”.
“Kur një vend me armë bërthamore lufton deri në fund, ai me siguri ka pasoja shumë përtej kufijve kombëtarë. Do të kishte pasoja për të gjithë botën”, shtoi Kahn.
Ai u kërkoi autoriteteve indiane që të përmbahen dhe paralajmëroi “gjakderdhje” nëse nuk merreshin hapat e nevojshëm në Kashmir.
Ai paralajmëroi se “axhenda ultranacionaliste” e qeverisë indiane po kërcënonte paqen në rajon, duke përmendur se vdekja e Mahatma Gandhi kishte ndezur, tha ai, të njëjtën “ideologji të urrejtjes”.
Kriza e Kashmir daton që nga viti 1947 kur Britania e Madhe la zonën pa adresuar statusin e rajonit. Myslimanët përbëjnë 90 përqind të popullsisë Kashmir të cilët, pas tërheqjes së Britanisë, kërkuan që rajoni të aneksohej në Pakistan. Princi i atëhershëm, megjithatë, vendosi të aneksonte Kashmir në Indi.
Kështu Pakistani dhe India hynë në luftën e parë për Kashmirin në vitin 1947. Për të njëjtën arsye, të dy vendet luftuan përsëri në 1965 dhe 1999.
India kontrollon rreth 45 përqind të Kashmirit, Pakistani rreth 35 dhe Kina 20 përqind. Pjesa indiane u quajt Jammu dhe Kashmir dhe sot është provinca e vetme mbizotëruese muslimane në Indi.
Këshilli i Sigurimit i Kombeve të Bashkuara, përmes një seri rezolutash, përcakton që statusi i Kashmir zgjidhet me vullnetin e njerëzve atje dhe se rajoni është i demilitarizuar. Pakistani, por jo India, mbron një skenar të tillë. /tesheshi.com/
