Ushtria e Filipineve ka konfirmuar të dielën se 18 pjesëtarë të saj janë vrarë dhe 53 të tjerë kanë mbetur të plagosur gjatë një përleshjeje 10 orëshe me grupin Abu Sayyaf, një degë e DAESH-it në këtë shtet, raporton Anadolu Agency (AA).
Zëdhënësi i komandës ushtarake, Filemon Tan Jr, tha se gjatë luftimeve në rajonin Basilan janë vrarë pesë militantë përfshirë një shtetas të Marokut i identifikuar si Mohammad Khattab, si dhe djali i liderit të grupit Abu Sayyaf, Isnilon Hapilon, për kapjen e të cilit ishte ofruar një shpërblim prej 5 milionë dollarë.
Përveç të vrarëve, 20 militantë kanë mbetur të plagosur.
