Të paktën dy njerëz janë vrarë dhe katër të tjerë janë plagosur në një sulm me granatë në një xhami në Filipinën jugore, thonë zyrtarët lokalë.
Sulmi në qytetin e Zamboanga u zhvillua në orët e hershme të së mërkurës, vetëm disa ditë pas shpërthimeve të njëpasnjëshme vdekjeprurëse në një katedrale katolike romake në ishullin e Jolo i cili la të vdekur 21 njerëz dhe rreth 100 të plagosur.
Një granatë u hodh brenda një xhamie, e cila vrau dy persona dhe plagosi katër të tjerë “, tha zëdhënësi i ushtrisë rajonale, nënkoloneli Gerry Besana, për agjencinë e lajmeve AFP. Viktimat po flinin brenda xhamisë kur ndodhi sulmi sipas raporteve të policisë.
Në një deklaratë, zëdhënësi i presidentit Rodrigo Duterte, Salvador Panelo, tha se sulmuesit po “e turbullojnë” qeverinë në trajtimin e situatës së paqes dhe rendit në Mindanao.
https://twitter.com/i/status/1090489666825011201
“Terrorizmi ka rritur edhe një herë kokën e saj barbare dhe të shëmtuar,” tha Panelo.
Myslimanët janë minoritet në Filipinë e cila është kryesisht një vend katolik. Ato përbëjnë rreth një të katërtën e popullsisë së rajonit të Mindanaos.
Burimi: Aljazeera, Përktheu: KohaIslame.com
