Ministri i Jashtëm turk paralajmëron triumfin e radhës pas rënies së Assadit
“Eleminimi” i luftëtarëve kurdë të Partisë së Punëtorëve të Kurdistanit (PKK) në Siri është “çështje kohe”, tha ministri i Jashtëm turk Hakan Fidan.
“Situata në Siri ka ndryshuar. Ne besojmë se eliminimi i PKK/YPG-së është vetëm çështje kohe”, tha kreu i diplomacisë turke në mes të përleshjeve në veri të Sirisë, duke vendosur fraksionet e armatosura të mbështetura nga Turqia kundër forcave kurde siriane, duke përfshirë Njësitë Kurde të Mbrojtjes së Popullit (YPG), të cilën Ankaraja e konsideron si një degë të PKK-së.
Në një konferencë të përbashkët për shtyp me homologun e tij jordanez Ayman Safadi, Fidan tha gjithashtu se Ankaraja nuk do të pajtohej me asnjë politikë që do t’i lejonte YPG-së të mbante një prani atje.
“Ne jemi në një pozicion jo vetëm për të parë, por edhe për të larguar çdo lloj skepticizmi në rajon”, pohoi ministri i Jashtëm turk. /tesheshi.com/
