Ish-republikë sovjetike, po mban një peshë të luftës në Ukrainë
Në konferencën e donatorëve në Bukuresht, Moldavisë iu premtua ndihmë prej 600 milionë euro, një nga vendet më të varfra evropiane që po vuan nga pasojat e luftës në Ukrainën fqinje, raporton AFP.
Konferenca e organizuar në koordinim mes Gjermanisë dhe Francës arriti të mbledhë 600 milionë euro për Moldavinë, e cila nuk duhet dhe nuk do të jetë e vetme në përpjekjet e saj për të arritur reformat që i nevojiten, u tha në takim.
Takimi pasoi të parin e mbajtur në prill të këtij viti, kur më shumë se 30 vende dhe grupe ndërkombëtare mblodhën 659.5 milionë euro si mbështetje direkte financiare për këtë ish-republikë sovjetike.
Një tjetër konferencë donatorësh do të mbahet në Francë deri në fund të vitit për të ofruar mbështetje shtesë për Moldavinë, e cila ndodhet midis Ukrainës dhe Rumanisë dhe varet kryesisht nga furnizimet me energji nga Rusia.
Disa qindra mijëra refugjatë ukrainas kanë kaluar nëpër Moldavi që nga fillimi i pushtimit rus të Ukrainës më 24 shkurt, sipas agjencive. /tesheshi.com/
