Shikojeni këtë fëmijë sirian 5-vjeçar!
E shihni?
Është i sakatosur e i gjakosur, por nuk qanë.
E dini pse?!
Ka humbur shpresën se ndokush do t’i përgjigjet vajit të tij.
E shihni?
Përjetoi tmerrin, por nuk frikësohet.
E dini pse?!
Që prej se ka lindur jeton në luftë, nuk njeh botë tjetër pa luftë.
E shihni?
Është viktimë, por ndihet fajtor.
E dini pse?!
Indiferenca e njerëzimit ndaj vuajtjeve të tij ia ka imponuar këtë.
E shihni?
Nuk është viktima e parë e nuk do të jetë as e fundit.
E dini pse?!
Njerëzimi ka vdekur, ne jemi veç dykëmbësha!
Lufta në Siri që ka shkaktuar më shumë se çerek milioni viktima është turpi i botës moderne. Të gjithë njerëzit, popujt, kombet e shtetet, lindore e perëndimore, janë përgjegjëse e fajtore për këtë turp të madh, për këtë krim të madh. Po të donin të gjithë, brenda javës do ta shuanin luftën në Siri.
Jusuf Thaçi
