Për presidentin turk, politika greke është e bazuar në gënjeshtra
Presidenti turk Rexhep Tajip Erdogan tha në kryeqytetin çek, Pragë, se nuk ka asgjë që ia vlen të diskutohet me Greqinë për momentin dhe akuzoi Athinën se e mbështet politikën e saj në “gënjeshtra”.
“Ata nuk janë aty ku duhet të jenë”, tha kreu i shtetit turk në një konferencë për shtyp mbrëmë.
Sipas tij, e gjithë politika greke është e bazuar në gënjeshtra dhe në pandershmëri.
“Ne nuk kemi çfarë të diskutojmë me Greqinë”, tha Erdogan.
Ai tha se Athina e kuptoi mesazhin e Ankarasë kur zyrtarët turq thanë se mund të mbërrinin papritur një natë, një koment që grekët dhe disa zyrtarë të tjerë perëndimorë e dënuan si një kërcënim për vendin fqinj. /tesheshi.com/
