Presidenti Recep Tayyip Erdogan, lidhur me kërkesën e Suedisë dhe Finlandës për anëtarësim në NATO, tha: “Ne nuk do të ndryshojmë qëndrimin tonë derisa të përmbushen pritjet tona”.
Presidenti Recep Tayyip Erdogan, lidhur me kërkesën e Suedisë dhe Finlandës për anëtarësim në NATO, tha: “Ne nuk do të ndryshojmë qëndrimin tonë derisa të përmbushen pritjet tona”.
Në fjalën e tij në mbylljen e Takimit të 30-të të Konsultimeve dhe Vlerësimit të partisë së tij të mbajtur në Ankara në Kizilcahamam, President dhe Kryetar i Partisë për Drejtësi dhe Zhvillim, Erdogan tha se ata e kuptojnë se qëndrimi parimor i Turqisë përballë zhvillimeve rajonale dhe globale i bezdis disa të huaj.
“Këmbëngulja e atyre që kohët e fundit i kanë sugjeruar Turqisë që të jetë fleksibël në lidhje me zgjerimin e NATO-s tregon qëndrimin tonë të vendosur. Ne nuk do të ndryshojmë qëndrimin tonë (për anëtarësimi i Suedisë dhe Finlandës në NATO) derisa të përmbushen pritshmëritë tona, të cilat ua kemi deklaruar bashkëbiseduesve tanë”, tha Erdogan.
Duke deklaruar se sistemi i krijuar nga Perëndimi për të mbrojtur sigurinë dhe mirëqenien e tij është plasaritur, Erdogan tha: “Propozimi që kemi bërë për reformimin e Kombeve të Bashkuara (OKB) prej vitesh duket se është i saktë. Bota është më e madhe se 5. Tani kanë filluar të thonë këtë. Le të reformojmë Këshillin e Sigurimit të OKB-së, thonë ata. Ata do të vijnë në konkluzionin tonë, në atë që themi ne.”
Ai theksoi se ndërkohë që Turqia ka 11 vjet që menaxhon me sukses emigrimin e parregullt me origjinë nga Siria, ata po shohin për të ardhur turp panikun e përjetuar nga Evropa si pasojë e krizës Ukrainë-Rusi.
“Lutja jonë është që bota të lerë pas sa më shpejt të jetë e mundur këtë periudha kritike që po kalon dhe të vazhdojë në rrugën e saj”, tha Presidenti Recep Tayyip Erdogan.
