Presidenti Erdoğan theksoi nevojën për veprim të përbashkët kundër islamofobisë dhe ksenofobisë, duke përmendur si shembull sulmin e fundit ndaj Kuranit në Suedi
Presidenti i Türkiye-s, Recep Tayyip Erdoğan theksoi nevojën për veprime kolektive për të adresuar përshkallëzimin e islamofobisë dhe ksenofobisë në vendet perëndimore, raporton Anadolu.
“Sulmi i poshtër ndaj librit tonë të shenjtë, Kuranit, në Suedi në ditën e parë të Kurban Bajramit zbulon dimensionet e tmerrshme të islamofobisë”, tha Erdoğan në një video-fjalim të shtunën në Darkën Gala të Konventës së 46-të Vjetore të Shoqatës së Mjekëve Pakistanezë të Amerikës së Veriut (APPNA).
Erdoğan theksoi se është përgjegjësi e të gjithë muslimanëve që kjo të mos ndodhë përsëri.
“Të gjithë ne, të gjithë muslimanët, kemi një përgjegjësi të madhe për të siguruar që veprime të tilla, ndaj të cilave ne reagojmë shumë fuqishëm në Türkiye, të mos përsëriten. Nëse veprojmë si një, askush në botë nuk do të guxojë të sulmojë vendet e shenjta të muslimanëve”, tha ai.
Erdoğan foli edhe për lidhjen e fortë mes popujve të Türkiye-s dhe Pakistanit si dy kombe vëllazërore, duke theksuar marrëdhëniet e jashtëzakonshme mes dy vendeve.
/aa/
