Presidenti i Turqisë, Rexhep Taip Erdogan, ka folur rreth atyre që dëshirojnë të jenë miq me Turqinë dhe atyre që nuk e dëshirojnë Turqinë.
Presidenti Erdogan ka thënë se ata i kanë zemrat e hapura dhe për ata që tregojnë miqësi me ne, ndërsa ata që ushqejnë armiqësi ne i shtypim.
“Ne i kemi zemrat dhe krahët e hapur për ata që tregojnë miqësi me ne. Ndërsa i shkelim dhe i shtypin përsipër ata që ushqejnë armiqësi ndaj nesh dhe që kërcënojnë pavarësinë tonë dhe të ardhmen tonë. Duke mos vërejtur as identitetin dhe as madhësinë e tyre këtë e bëjmë me ndihmën e Allahut, me guximin e popullit tonë dhe duanë e miqve tanë”, tha në fjalën e tij presidenti Erdogan.
Po ashtu presidenti Erdogan është shprehur se “Disa thonë se ‘është kufizuar aftësia e lëvizjeve diplomatike’. Jo përkundrazi, në asnjë çështje pa praninë tonë në tryezë është e pamundur të merren vendime në lidhje me rajonin tonë”, është shprehur Erdogan në Kongresin e 6-të të zakonshëm të AK Partisë në Ankara.
