Gjatë vizitës zyrtare në Tiranë të Ministrit të Energjisë së Emirateve të Bashkuara Arabe Al Mazrouei u zhvillua forumi i biznesit ku morën pjesë rreth 50 kompani dhe investitorë nga Emiratet e Bashkuara Arabe dhe Shqipëria.
Ministri Ahmetaj u shpreh se ka shumë mundësi për investime në Shqipëri në sektorë kyçë si energjia, transporti, infrastruktura dhe logjistika, turizmi, menaxhimi i ujërave, bujqësia, zonat e zhvillimit ekonomik e teknologjik etj. Dy ministrat nënshkruan Marrëveshjen për Nxitjen dhe Mbrojtjen e Investimeve, e cila ofron garanci të drejtpërdrejta për investimet nga të dy vendet me qëllim nxitjen e zhvillimit ekonomik. Marrëveshja, e cila do të jetë në fuqi për një periudhë prej 10 vjetësh synon inkurajimin e investimeve përmes reduktimit të riskut për investitorët nëpërmjet krijimit të një klime të favorshme biznesi. (ATSH)
