Eksportet e Turqisë janë rritur në 161.1 miliardë dollarë gjatë 12 muajve të fundit, me një rritje prej 10.7 për qind, bën të ditur Asambleja e Eksportuesve Turq, transmeton Anadolu Agency (AA).
Asambleja shpalli shifrat e eksportit të Turqisë për muajin prill, duke zbuluar se eksportet e vendit u rritën me 15 për qind për të arritur në 13.54 miliardë dollarë.
Ata shtuan se eksportet e vendit në katër muajt e parë të këtij viti u rritën me 10.4 për qind duke arritur në 54.7 miliardë dollarë.
