Gjykata e Kasacionit pranoi apelin e Morsit dhe 1.537 të akuzuarve të tjerë, kundër vendosjes të emrave të tyre në listën e terrorizmit
KAJRO (AA) – Gjykata më e lartë e apelit në Egjipt ka hequr mbi 1500 persona nga lista zyrtare e terrorizmit në vend, përfshirë edhe presidentin e rrëzuar Mohamed Morsi, raporton Anadolu Agency (AA).
Gjykata e Kasacionit pranoi apelin e Morsit dhe 1.537 të akuzuarve të tjerë, kundër vendosjes të emrave të tyre në listën e terrorizmit, ka bërë të ditur një burim nga gjykata i cili kërkoi të mbetet anonim.
Në mesin e atyre që ishin në listën e terroristëve ndodhej edhe ish-futbollisti i njohur egjiptian, Mohamed Abu Treika.
Autoritetet egjiptiane i kanë akuzuar për lidhje me Vëllazërinë Muslimane, e cila në vitin 2013 nga autoritetet ushtarake u shpall si organizatë terroriste.
