Historia e këtyre gërmave gjigande në majën e malit Lee të Santa Monica-s
Lagjet e Hollivudit vërtet po kallen, më shumë rezidenca të emrave të mëdhenj të artit fimik e televiziv që po shkrumbohen, duke i katandisur ata në njerëz të rëndomtë që dalin në rrugë me rroba trupi për të mbetur gjallë, por zjarri te shenja Hollywood nuk është i vërtetë.
Këto pamje, siç raporton Independent, janë të rreme dhe për momentin tabela ikonike mbetet e paprekur, pasi zjarri do të duhej të kalonte mbi një autostradë për të prekur tabelën.
Deri më tani nga zjarret e pakontrolluara kanë humbur jetën 5 persona, ndërsa më shumë se 2000 ndërtesa janë shkatërruar dhe të paktën 150000 banorë janë detyruar të largohen nga shtëpitë e tyre. Shërbimet e urgjencës po luftojnë për të kontrolluar katastrofën, megjithëse erërat e forta po pengojnë përpjekjet e tyre.
Llogaria popullore e platformës X, Raw Alerts, ishte një nga të parat që trajtoi përhapjen e lajmeve të rreme rreth shenjës, duke deklaruar se imazhet që po përhapen janë produkt i “inteligjencës artificiale”.
Llogaria postoi gjithashtu pamje nga një faqe interneti që transmetonte imazhe të drejtpërdrejta nga vendi i ngjarjes, megjithatë shumë përdorues vazhduan të përhapnin imazhe false, duke nxitur zhurmën rreth zjarreve. Në fakt, disa llogari e duartrokitën katastrofën, duke supozuar gabimisht thashethemet ishin të vërteta.
E vetmja gjë që në fakt është prekur nga zjarri janë dritat e tij, të cilat nuk ndizen më, duke e bërë atë të padukshëm.
Sqarohet se tabela është vërtet e vendosur në zonën Hollywood Hills në majë të malit Lee, por zjarri shkatërrues i Los Anxhelosit po digjet aktualisht në zonën e Studio City.
Kjo do të thotë se që flakët të arrijnë te tabela, ata do të duhet të drejtohen në lindje dhe të kalojnë autostradën 101 të asfaltuar përpara se të ngjiten në kodra dhe të djegin tabelën.
Historia e shenjës që i dha jetë të re Hollivudit
Shenja u ngrit për herë të parë në vitin 1923, në kulmin e kinemasë pa zë.
Fillimisht ishte bërë prej druri dhe çeliku dhe lexohej “Hollywoodland”. Vendosja e tij kishte për qëllim të promovonte zhvillimin e ardhshëm të banesave luksoze.
Ajo fitoi famë në vitin 1932 kur ylli i Uellsit Peg Edwhistle kreu vetëvrasje duke u ngjitur në një shkallë në majë të shkronjës “H” dhe duke u hedhur, duke lënë një shënim vetëvrasjeje që u gjet nga çanta e saj.
Shenja iu dhurua qytetit të Los Anxhelosit në vitin 1944, por më pas ra në gjendje të keqe dhe pothuajse u shkatërrua derisa themeluesi i Playboy, Hugh Hefner mblodhi paratë për ta rivendosur atë në 1978.
Shenja e sotme “Hollywood” është prej çeliku dhe është montuar në një kornizë çeliku, që do të thotë se është shumë më e qëndrueshme dhe më pak e ndezshme se sa ishte fillimisht. /tesheshi.com/
