Një shkollë e mesme në Anglinë verilindore është bërë e para shkollë në Britaninë e Madhe e cila ka ofruar hixhabe ose shami të cila vishen nga muslimanët, si pjesë e uniformës për nxënësit.
Sir John Thursby Community College në Burnley, Lancashire, reagoi ndaj shqetësimeve se disa nxënëse ishin duke u veshur shaminë në mënyrë të gabuar duke prezantuar në këtë mënyrë një version uniforme.
Megjithatë, një reagim ka ardhur nga disa prindër myslimanë dhe nxënës, të cilët mendojnë se shamia e paraqitur si uniformë është i parehatshëm dhe jo modeste, përcjell KohaIslame.
Ata kanë nisur një peticion online, të nënshkruar nga 150 vetë, duke protestuar kundër mungesës së konsultimeve mbi hixhab-in e ri uniformë.
“Për fat të keq, ka pasur shumë pak konsultime nga prindërit ose vajzat që ndjekin shkollën. Rrjedhimisht, është krijuar një shall i projektuar nga shkolla. Është shumë e ngushtë dhe në disa raste shumë e shkurtër, pasi disa nga vajzat kanë flokë të gjata dhe kështu nuk i plotëson kushtet për të qenë një shami”, thuhet në peticion.
Drejtori David Burton i ka shkruar prindërve për të mbrojtur politikën e re të shkollës duke thënë:”Na vjen keq që ka pasur sugjerime se shkolla është kundër shamisë së kokës. Kjo nuk eshte e vërtetë. Ne i respektojmë plotësisht dëshirat e vajzave të veshin shaminë dhe gjithmonë e kemi bërë.”
“Ne ecëm drejt ndryshimit të politikës së njëtrajtshme për të përfshirë një shami të zakonshme, pasi ishim të vetëdijshëm se duhet të ketë një ndryshim. Ne kemi filluar një proces konsultimi me prindërit që nga shtatori dhe ky proçes akoma vazhdon” përcjell KohaIslame.
Përpara uniformës së re, nxënëset të cilat dëshironin të mbanin një shami në kokë ishin të lejuara të zgjedhin stilin e tyre përderisa shamia ishte e zezë. I njëjti rregull zbatohet edhe në shkollat e tjera të mesme në zonën e Lancashirit, që ka një popullsi të konsiderueshme muslimane./KohaIslame.com/
