“Të ndalojmë këtë luftë”, tha Duterte në një fjalim para njerëzve që pësuan nga një zjarr i cili shkatërroi mijëra shtëpi në provincën Sulu, që njihet për një bastion të njohur të grupit
ZAMBOANGA CITY, Filipine (AA) – Presidenti i Filipineve, Rodrigo Duterte, i ofroi paqe grupit Abu Sayyaf që ka lidhje me organizatën terroriste DEASH, grup ky që vrau me prerje të kokës disa nga viktimat e rrëmbyera në mesin e të cilëve ka edhe të huaj, raporton Anadoliu Agency (AA).
“Të ndalojmë këtë luftë”, tha Duterte në një fjalim para njerëzve që pësuan nga një zjarr i cili shkatërroi mijëra shtëpi në provincën Sulu, që njihet për një bastion të njohur të grupit.
Oferta e presidentit të Filipineve është në përputhje me nënshkrimin e tij të fundit të “Ligjit Organik Bangsamoro”, një masë e cila synon të zgjidhë kryengritjen disa dekadëshe muslimane në jug të Filipineve.
Duterte u bëri thirrje militantëve t’i japi ligjit një mundësi.
“Fëmijët, të moshurit dhe pleqtë janë ata të cilët vuajnë”, tha Duterte për të shtuar se me vepimet e tyre ata po lënë fëmijët pa baba.
“Mesazhi im për Abu Sayyafin është, Ejani në paqe”, tha Duterte.
Ligji Organik Bangsamoro, është produkt i një marrëveshjeje për paqe të cilën Fronti Islamik për lirim Moro e nënshkroi me ish-presidentin Benigno Aquino III në vitin 2014.
Ai synon dhënien e një autonomie më të gjërë për Bangsamoro, një shprehje e përqafuar për muslimanët e Filipineve.
