Anëtari i Presidencës së Bosnjë dhe Hercegovinës, Milorad Dodik ka vazhduar me retorikën dhe politikën e tij, në Ditën e Shtetësisë së Serbisë, duke thënë se serbët sot kanë dy shtete.
“Në Republika Srpska, ne e festojmë këtë ditë si tonën. Ne e shikojmë Serbinë si një atdhe. Serbia na jep garanci dhe strehim, ndihmon dhe inkurajon”, ka thënë Dodik në ngjarjen qendrore për shënimin e Ditës së Shtetësisë Serbe.
Sipas klix.ba, përcjell Telegrafi, Dodik tha se serbët sot kanë dy shtete – Republika Srpska dhe Serbia.
Përveç tij, “me të veten” ka vazhduar edhe ministri i Punëve të Brendshme të Serbisë, Aleksandar Vulin.
Ai ka thënë se në festë do të marrin pjesë edhe përfaqësuesit e Republikës Srpska, duke theksuar se Dita e shtetësisë së Serbisë nuk mund të festohet pa RS, si dhe Dita e RS pa Serbinë. /Telegrafi/
