Në ditën e parë të fushatës për vaksinimin e poliomielitit në pjesën qendrore të Rripit të Gazës, janë vaksinuar më shumë se 72 mijë fëmijë.
Ashraf al-Qudra, Zëdhënësi i ministrisë së Shëndetësisë në Gaza, deklaroi se qytetarët kanë treguar interes të madh për fushatën e vaksinimit për fëmijët nën dhjetë vjeç në pjesën qendrore të Rripit të Gazës, e cila po kryhet nga Kombet e Bashkuara dhe Agjencia e Ndihmës dhe Punës për Refugjatët Palestinë në Lindjen e Mesme (UNRWA).
Al-Qudra tha se 470 punonjës shëndetësorë punojnë në qendrat e akomodimit, në rrugët kryesore dhe në pikat e vaksinimit.
Ministria e Shëndetësisë në Gaza deklaroi se në ditën e parë të vaksinimit janë vaksinuar 72.611 fëmijë në pjesën qendrore të enklavës.
Më shumë se 600.000 fëmijë nën moshën dhjetë vjeç në Rripin e Gazës do të vaksinohen kundër poliomielitit.
Organizata Botërore e Shëndetësisë ka njoftuar se vaksinimet në Deir al-Belah, që ndodhet në pjesën qendrore të Rripit të Gazës, do të vazhdojnë deri më 4 shtator.
Vaksinimi i poliomielitit për fëmijët nën moshën dhjetë vjeç ka filluar në qytetin Khan Younis në Rripin jugor të Gazës, ku vazhdojnë sulmet izraelite.
/trt/
