Dita e parë e Kurban Bajramit të mërkurën më 28 qershor 2023
Këshilli i Bashkësisë Islame në Gjakovë njofton besimtarët dhe opinionin e gjerë se dita e parë e festës së Kurban Bajramit është ditën e mërkure më 28 qershor 2023.
Të gjitha xhamitë funksionale në territorin e Komunës së Gjakovës do të jenë të hapura për faljen e namazit të sabahut dhe të Kurban Bajramit.
Namazi i sabahut falet në ora 4.23 min. ndërsa namazi i Kurban Bajramit falet në ora 5.38 min.
Ditën e parë të Kurban Bajramit, më 28 qershor 2023, Këshilli i Bashkësisë Islame në Gjakovë, si tradicionalisht organizon pritje për mysafirë nga ora 09:00 deri në ora 11:00.
Këshilli i Bashkësisë Islame në Gjakovë të gjithë besimtarëve dhe opinionit të gjerë ua uron festën e Kurban Bajramit, duke e lutur Zotin për shtim të mirëkuptimit, dashurisë për njëri tjetrin, për paqe e mirësi.
Me fat festa e Kurban Bajramit!
