Peshohet nga Policia droga e kapur dje në Mat: 2 ton e 55 kg!
Pas sasisë prej 200 kg kanabis sativa që u gjet e fshehur në një tunel në njësinë administrative Baz të Matit, policia gjeti dje një tjetër sasi të madhe droge pranë këtij tuneli, brenda një kontenieri.
Qenë plotë 139 thasë të mbushur me kanabis që u gjetën brenda kontenierit. Gjithashtu në kontenier është gjetur edhe një armë zjarri kallashnikov.
Policia ka arrestuar një person dhe ka shpallur në kërkim një tjetër.
