Legjenda argjentinase Diego Armando Maradona ka vendosur t’i thotë “lamtumirë” Emirateve të Bashkuara Arabe, pasi dështoi ta ngjiste në kategorinë elitare ekipin e Al Fujairah të cilin e drejtoi për një sezon.
Ishte kjo një tjetër njollë në karrierën jo shumë të zgjeruar të Maradonës si trajner, ku dhe me vetë kombëtaren e Argjentinës 8 vite më parë pothuajse dështoi.
Të premten, skuadra e Maradonas nuk arriti të fitojë për të siguruar pikët e nevojshme që do e ngjisnin një kategori më lart, pasi barazoi 1:1 me Al Khaleej. /tesheshi.com/
