Presidenti palestinez, Mahmud Abbas priti në takim në Ramallah zëdhënësin e Presidencës, Ibrahim Kalin dhe zëvendësministrin e Punëve të Jashtme, Sedat Onal.
Sipas informacioneve të marra nga burime diplomatike, delegacioni turk që viziton Palestinën është takuar me Abbasin në Ramallah.
Bëhet e ditur se gjatë takimit, ku u diskutua për marrëdhëniet Turqi-Palestinë, delegacioni turk u shpreh se “Turqia do të vazhdojë të mbështesë popullin palestinez në kuadër të zgjidhjes me dy shtete”.
Gjithashtu njoftohet se delegacioni turk u takua edhe me ministrin e Punëve të Jashtme të Palestinës, Riyad al-Maliki dhe bisedoi për marrëdhëniet mes dy vendeve.
Në takim mori pjesë edhe Konsulli i Përgjithshëm në Palestinë, ambasadori, Ahmet Rıza Demirer.
Kalin dhe Onal planifikohet të takohen sot me zyrtarë të Ministrisë së Punëve të Jashtme dhe Presidencës izraelite.
