Prishtinë, më 1 prill 2023
Në kuadër të bashkëpunimit të mirë ndërmjet Bashkësisë Islame të Kosovës dhe Bashkësisë Fetare Islame të Maqedonisë së Veriut, dje, për nder të muajit të bekuar Ramazan, një delegacion i lartë i Kryesisë së Bashkësisë Islame të Kosovës, i kryesuar nga kryeimami Vedat ef. Sahiti, qëndroi për vizitë në myftinitë e Bashkësisë Fetare Islame të RMV-së.
Në Myftininë e Shkupit, për hytben e xhumasë, në xhaminë “Mustafa Pasha” ligjëroi kryeimami i BIK-ut, Vedat ef. Sahiti, kryetari i Kuvendit të BIK-ut, Ajni ef. Sinani, ligjëroi në xhaminë “Isa Beu”, kryetari i KBI-së së Pejës, Musli ef. Arifaj, ligjëroi në xhaminë “Arasta”, kryeimami i Këshillit të BI-së së Prizrenit, Orhan ef. Bislimaj, ligjëroi në xhaminë “Sulltan Murat”, ndërsa përgjegjësi për Çështjet Fetare në BIK-u, Abedin ef. Sadriu, ligjëroi në xhaminë “Allaxha”.
Edhe Myftinia e Gostivarit ishte nikoqire e delegacionit të lartë të Kryesisë së Bashkësisë Islame të Kosovës. Në xhaminë e Lejthisë, ligjëroi kryeimami i Këshillit të BI-së së Prishtinës, Burhan ef. Hashani, ndërkaq profesorët e FSI-së, dr. Bahri Hoxha dhe dr. Zija Abdullahu, ligjëruan në Xhaminë e Muhallës së Re, respektivisht në Xhaminë e Kadrit.
Delegacioni i Kryesisë, i përbërë nga profesorët e Medresesë “Alauddin”, Muharrem Tërnava, Driton Arifi dhe Ekrem Maqedonci, ishin mysafirë në Myftininë e Tetovës. Ata mbajtën ligjëratën e xhumasë në xhaminë “Eski”, respektivisht në Xhaminë e Rinisë dhe në Xhaminë Muharemçe.
https://m.facebook.com/story.php?story_fbid=pfbid0iTVkjppPsLakVUbk5jr47e55KZ7twxHZqwMgkDfN4P6e5F3HkddFVhMwjSaEAfqXl&id=100064671340520&mibextid=Nif5oz
