Davutoglu: Pas sulmeve në Turqi dhe Europë qëndron politika e gabuar e Perëndimit ndaj Sirisë

Kryeministri i Turqisë, Ahmet Davutoglu, në një fjalim të mbajtur në Ankara ka pohuar se: “Për fat të keq pas këtyre sulmeve të shëmtuara të ndodhura në Turqi dhe Europë qëndron politika e gabuar e Perëndimit dhe ndërkombëtare ndaj Sirisë. Iu bëj thirrje të gjithë vendeve perëndimore të cilat llastojnë PYD-në. Nëse miqtë tanë perëndimorë nuk veprojnë bashkë me ne sot dhe nuk bëhet një luftë e vendosur kundër terrorizmit atëherë ata të cilët janë armiqtë për ne si PKK dhe PYD nesër bashkohen me DAESH-in dhe sulmojnë sëbashku Turqinë dhe Europën”, raporton Anadolu Agency (AA).