“Për pesë vite ndoshta ka ndryshuar shumë, por për fëmijët refugjatë nuk ka ndryshuar asgjë. Andaj mos i harroni”, shkroi Ronaldo
Lojtari i kombëtares së Portugalisë dhe njëherit edhe i Realit të Madridit, Cristiano Ronaldo, ka dërguar mesazh mbështetjeje për fëmijët që vuajnë pasojat e luftës në Siri, raporton Anadolu Agency (AA).
Ronaldo në rrjetet sociale publikoi një fotografi me etiketën e organizatës “Save the Children”, ku shkroi: “Për pesë vite ndoshta ka ndryshuar shumë, por për fëmijët refugjatë nuk ka ndryshuar asgjë. Andaj mos i harroni”.
Kjo nuk është hera e parë që ylli portugez apelon për mbështetje ndaj fëmijëve refugjatë. Ronaldo më parë u dërgoi ndihmë fëmijëve sirianë në ushqim, veshmbathje dhe mjete mjekësore.