KOPENHAGË (AA) – Akademia suedeze bëri të ditur të premten se çmimi Nobel për Letërsi nuk do të ndahet këtë vit nga shkaku i skandalit me akuzat për abuzim seksual dhe një sërë problemesh tjera brenda këshillit, i cili ka vendosur për laureatët, transmeton Anadolu Agency (AA).
Akademia njofton se çmimi për vitin 2018 do të ndahet vitin e ardhshëm, duke sqaruar se vendimi është marrë në mbledhjen e rregullt javore në Stockholm.
Në njoftim thuhet më tej se akademia suedeze nuk ishte në gjendje të bëj përzgjedhjen e fituesit, pasi u përball më një sërë akuzash për abuzim seksual dhe mashtrimeve financiare.
Akademia thekson se vendimi është marrë, meqë aktualisht besimi i publikut ndaj akademisë është shumë i ulët.
Që nga shpërthimi i skandalit në akademinë suedeze, dorëheqjen e tyre e dhanë dhjetë anëtarë të këshillit për ndarjen e çmimit Nobel për Letërsi, përfshirë presidenten, që ishte gruaja e parë në këtë post.
Kjo do të jetë hera e parë pas vitit 1943, që nuk do të ndahet çmimi për letërsi.
