Kryeministri Edi Rama u është përgjigjur komentuesve në rrjetin e tij social në Facebook në lidhje me rritjen e çmimeve. Rama shprehet se çmimet nuk kanë lidhje me politikën por me tregun e lirë, pasi tashmë siç thotë ai, nuk jemi në komunizëm kur çmimet i vendoste shteti. Ai shton se kur çmimet rriten në të gjithë planetin nuk kanë si të ulen në Shqipëri.
Rama shprehet se shqiptarëve nuk u ka munguar buka as në kohët më të zymta. Në lidhje me punësimet në shkolla, Rama thekson se askush nuk futet në arsim pa kaluar përmes portalit duke shtuar se bashkitë nuk kanë lidhje me punësimet në arsim.
