Pyetje:
Cili është përkufizimi gjuhësor dhe ai terminologjik (juridik) i sadakasë (lëmoshës) dhe cilat janë disa nga vlerat kryesore të saj?
Përgjigjja:
Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!
Së pari: Përkufizimi dhe llojet e sadakasë (lëmoshës)
a. Kuptimi gjuhësor dhe terminologjik i sadakasë
Kuptimi gjuhësor i sadakasë është: “Lëmoshë / bamirësi”,- kurse kuptimi terminologjike (juridik) i sadakasë është: “Çfarë i jepet nevojtarëve për hatër (kënaqësi) të Allahut”.
b. Llojet e sadakasë (lëmoshës)
Sadakaja është dy llojesh: e detyrueshme (si: zekati i pasurisë, zekati i fitrit, shlyerja e betimit të pambajtur etj.) dhe vullnetare (si: lëmosha / bamirësia që nuk është e detyrueshme).
Së dyti: Tekste hyjnorë mbi vlerën e sadakasë (lëmoshës)
a. Vlera kyçe të sadakasë pasqyruar në Kuranin famëlartë
“Ata që japin lëmoshë (sadaka) e që i japin Allahut një hua të mire [bëjnë vepra të mira të sinqerta si: sadakaja dhe harxhimi në Rrugë të Allahut etj., duke synuar shpërblimin e Allahut], qofshin burra ose gra, do t’u shumëfishohet përfitimi dhe do të kenë një shpërblim fisnik”;
“Sa për atë që jep (për hir të Allahut), ka frikë (nga Ai) dhe dëshmon për vërtetësinë e më të bukurës (besimin monoteist në Zot), Ne do t’ia lehtësojmë atij lehtësinë (rrugën drejt shpëtimit).”;
b. Vlera kyçe të sadakasë pasqyruar në transmetimet profetike
“Kush shpenzon palë [rishtazi / e jep diçka dopje / jep një sadaka haptas e një fshehtas9 në Rrugën e Allahut [në mbarë veprat e mira që kënaqin Allahun], do të thirret nga dyert e Xhenetit: O Robi i Allahut, kjo është mirë… (deri në fragemtin e hadithit): E kush është prej personave të sadakasë [atyre që bëjnë shumë lëmoshë vullnetare, krahas dhënies së zekatit (lëmoshës së obliguar)], ai thirret nga [dera e Xhenetit që quhet] Dera e Sadakasë.”
“Sadakaja (lëmosha) është fakt [argument i qartë se dhënësit i saj beson në Zot dhe në shpërblimin e botës tjetër].”
“Nuk pakësohet pasuria e robit nga dhënia sadaka (lëmoshë)…”
“Kurojini të sëmurët tuaj me sadaka!”
Së treti: Një përmbledhje e vlerave të patjetërsueshme të sadakasë
Thëniet e mësipërme kuranore dha profetike, nxjerrin qartë në pah vlerat e patjetërsueshme në vijim të sadakasë:
1. Sadakja është një vepër tepër madhështore dhe e ngre në grada tepër të larta vepruesin e saj;
2. Sadakaja e mbron dhënësin e saj nga belatë dhe vuajtjet;
3. Sadakaja ka një vlerë madhështore dhe një shpërblim të shumëfishtë;
4. Sadakaja i shuan gabimet dhe i shlyen mëkatet;
5. Sadakaja sjell begati dhe bollëk në pasuri dhe rizk (furnizim);
6. Sadakaja është mburojë nga ndëshkimi dhe është rrugë për të hyrë në Xhenet;
7. Sadakaja është argument i sinqeritetit për Allahun, mbështetjes tek Ai dhe mendimit të mirë që ka njeriu për Të;
Allahu e di më mirë.
Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.
Burimi:Jetaever8
