Një video u shfaq në internet që tregon presidentin rus Vladimir Putin duke puthur një kopje të Kuranit gjatë vizitës së tij në Çeçeni këtë javë, ndërsa një ofensivë e fortë ukrainase vazhdon në territorin rus.
Putin u takua gjithashtu me liderin çeçen Ramzan Kadyrov, me të cilin ai vizitoi një xhami të sapondërtuar në kryeqytetin Grozny, vizita e tij e parë në zonë që nga viti 2011.
Atje, liderit të Kremlinit iu dhurua një kopje e Kuranit të Shenjtë të zbukuruar me ar, përpara se ta puthte para kamerave.
Qëllimi i udhëtimit të paplanifikuar në Çeçeni ishte inkurajimi i vullnetarëve ushtarakë që trajnohen atje përpara se të dërgohen në fushën e betejës ukrainase, pasi Rusia vazhdon të pësojë humbje të mëdha, raportoi British Express.
Duke puthur Kuranin, Vladimir Putin u përpoq të paraqitej si mik i muslimanëve, pra një humanist që respekton Islamin dhe muslimanët. Në të njëjtën Çeçeni, Vladimir Putin kreu krime të tmerrshme 25 vjet më parë kur urdhëroi ushtrinë e tij të vriste mijëra çeçenë. Grozni, qyteti ku ai e do Kuranin sot, u rrafshua me tokë nga Putini. Veç kësaj, Putini i ka gjakosur duart në Siri, ku ushtria e tij vrau dhjetëra mijëra muslimanë. Avionët e ushtrisë ruse vranë mijëra fëmijë sirianë.
