“Nuk kemi harruar, nuk do të harrojmë dhe nuk do të lejojmë të harrohet. Nuk do të lejojmë as përsëritjen e saj”, ka shkruar ministri Çavuşoğlu në mesazhin e tij
ANKARA (AA) – Ministri i Jashtëm i Turqisë, Mevlüt Çavuşoğlu, ka postuar një mesazh me rastin e 23-vjetorit të gjenocidit në Srebrenicë, raporton Anadolu Agency (AA).
“Nuk kemi harruar, nuk do të harrojmë dhe nuk do të lejojmë të harrohet. Nuk do të lejojmë as përsëritjen e saj”, ka shkruar ministri i Jashtëm tuk, Mevlüt Çavuşoğlu, në Twitter bashkangjitur me një fotografi të Qendrës Memoriale Potoçari të Srebrenciës.
Në Qendrën Memoriale Potoçari sot do të falet namazi i xhenazes dhe do të bëhet varrimi i 35 mbetjeve mortore të sapoidentifikuara të viktimave të gjenocidit të kryer nga ushtria dhe policia e Republikës Sërpska (RS), si dhe formacionet paraushtarake nga RS dhe Serbia në korrik të vitit 1995 mbi boshnjakët në “zonën e mbrojtur të OKB-së”.
Në Qendrën Memoriale Potoçari të Srebrenciës deri më tani pushojnë të qetë 6.575 viktima të gjenocidit dhe kërkimet vazhdojnë për rreth një mijë të tjerë.
Gjenocidi në Srebrenicë është krimi më i madh masiv në tokën evropiane pas Holokaustit në Luftën e Dytë Botërore. Në gjenocidin ndaj boshnjakëve në Srebrenicë më 1995 të kryer nga ish-Ushtria e RS-së, e ndihmuar nga formacionet logjistike nga Serbia, u vranë të paktën 8.372 civilë.
